Perr Koffen rejissyorligidagi “Minyonlar va maxluqlar” animatsion filmi minyonlar sarguzashtlarini yana katta ekranga olib chiqdi. Bu gal film nafaqat kulgili voqealari, balki mashhur filmlarga berilgan ko‘plab ishoralari bilan ham e’tibor tortmoqda.
Ssenariy muallifi Brayan Linch multfilmga ko‘plab vizual iqtiboslar va tanish sahnalarni singdirgan. Multfilm davomida 34 ta mashhur filmga ishoralar berilgan bo‘lib, tomoshabinlar unda “Malta lochini”, “Fuqaro Keyn”, “Yulduzlar jangi” va “Arvoh ovchilari” kabi mashhur filmlarga ishoralarni payqashi mumkin. Bundan tashqari, film Charli Chaplin va Baster Kiton uslubidagi fizik komediya elementlarini ham qayta ishlatadi.
Shu sababli “Minyonlar va maxluqlar” oddiy bolalar multfilmi bo‘lib qolmay, kino tarixiga qiziqarli sayohat vazifasini ham bajaradi.
