“Shuhrat” medali va “Nihol” mukofoti sovrindori Adham Soliyev “Renessans” telekanaliga bergan intervyusida uning qonida tadbirkorlik borligini, o‘zi ham mehmonxona biznesiga juda qiziqishini va hozirda 200 ga yaqin ish oʻrni yaratganini aytib oʻtgan. Yana xonanda san’atga qachon qaytishi noma’lum ekanligini, biroq uning qaytishini kutayotgan, ashaddiy muxlislari uchun tez oradan yangiliklar tayyorlayotganini bildirgan.
Shuningdek u soʻzining oxirida tadbirkorlarga berilayotgan imkoniyatlar sabab ”Endi davlatimizda yosh, puli koʻp odamlar koʻpayadi” deb qoʻshimcha qilgan.
Adham Soliyev 2010–2018-yillar oraligʻida “Muhabbatjon”, “Mohira”, “Laylo”, “Muhabbatga yetolmaganlar” kabi taronalari bilan xit boʻlgan edi.
