Aleyna Bozok taqiqlangan moddalar bilan bog‘liq ish doirasida hibsga olingan mashhurlar ro‘yxatiga kirdi. U “Qo‘rg‘on sirlari” va “Qizil sharbat” seriallari orqali tanilgan. Bu haqida Jumhuriyet nashri xabar berdi.
Istanbulda o‘tkazilgan politsiya reydlari davomida bir nechta manzillar tekshirilgan. Umumiy 24 gumonlanuvchidan 17 nafari qo‘lga olingan, 6 nafari esa hozir xorijda ekani aytilmoqda. Tergov faqat aktrisa bilan cheklanmagan. Ish doirasida sobiq futbol hakami va bloger Elif Karaaslan, klub egasi Ali Koz hamda qo‘shiqchi Jem Adrian ham hibsga olingani ma’lum qilindi.
Hozirda Turkiyada taqiqlangan moddalar bo‘yicha keng ko‘lamli tekshiruvlar davom etmoqda va bu ishga bir nechta mashhurlar ham aralashgan.
Eng shov-shuvli holat Hande Erchel bilan bog‘liq bo‘lgan edi. Biroq keyinchalik uning qon tahlilida hech qanday taqiqlangan modda aniqlanmagani ma’lum qilingan.
