Uyda yolg‘iz” filmida Kevinning onasi rolini o‘ynagan aktrisa Ketrin O’Hara 71 yoshida “qisqa muddatli kasallikdan so‘ng” vafot etdi.
O’Hara “Uyda yolg‘iz” (1990) va “Uyda yolg‘iz 2: Nyu Yorkda adashgan” (1992) filmlarida Kevinning onasi Keyt Makkallister rolini o‘ynagan.
Aktrisaning karerasi ellik yildan ortiq davom etdi. U o‘z faoliyatini Kanadaning “Second City Television” skech-shousida boshlagan va ushbu loyiha uchun o‘zining ilk “Emmi” mukofotini qo‘lga kiritgan. Unga “Bittljus”, “Ishdan so‘ng” filmlari va “Uyda yolg‘iz” filmining dastlabki ikki qismidagi bosh qahramonning onasi roli keng mashhurlik keltirdi.
Keyingi davrda O’Xara “Shitts Krik” serialidagi Moyra Rouz roli tufayli mashhurlikning yangi to‘lqinini boshdan kechirdi va bu roli uchun ikkinchi bor “Emmi” mukofoti bilan taqdirlandi. Shuningdek, u HBO telekanalining “Bizdan biri” serialida va Apple TV’ning “The Studio” loyihasida suratga tushgan, bundan tashqari, bir qator animatsion filmlarda ovoz berish aktrisasi sifatida ishtirok etgan.
Kalkin o‘zining Instagram sahifasida O’Hara bilan ikkita hamkorlik suratini joylashtirdi: biri 1990-yilda suratga olingan “Uyda yolg‘iz” filmidan, ikkinchisi esa 2023-yilda Kalkin Gollivud shon-shuhrat xiyobonida yulduz olgan marosimdan. Post ostiga o‘zining xayrlashuv so‘zlarini ham yozib qoldirdi.
“Ona. Men hali vaqtimiz bor, deb o‘ylagandim. Men ko‘proq xohlagandim. Sening yoningda, stulda o‘tirishni xohlagandim. Seni eshitdim. Lekin aytadigan gaplarim hali juda ko‘p edi. Men seni yaxshi ko‘raman. Keyinroq ko‘rishamiz” – Kalkin.
