XMT Bosh direktori Emi Pope ta’kidlaganidek, Dimash o‘zining betakror ovozidan nafaqat tinglovchilarning qalbiga yetib borish, balki inqirozlardan jabr ko‘rgan insonlarning dardini anglash, ularning ko‘zidagi alamni ko‘rish va madaniy o‘ziga xosliklarini chuqur his etish uchun ham foydalanadi.
“Biz Dimashni Xalqaro migratsiya tashkilotining global yaxshi niyat elchisi sifatida katta faxr bilan tabriklaymiz. U ushbu mas’uliyatli vazifaga qanday yangilik va ilhom olib kelishini nihoyatda katta qiziqish bilan kutmoqdamiz,” — dedi Pope.
Ta’kidlash joizki, so‘nggi yillar davomida bir qator mashhur shaxslar BMT tizimida yaxshi niyat elchilari sifatida faoliyat yuritgan. Ular orasida:
Anjelina Joli (UNHCR) — qochqinlarni himoya qilish yo‘lidagi faoliyati bilan (2001–2022);
Shakira (UNICEF) — erta yoshdagi bolalarni rivojlantirish bo‘yicha tashabbuslari bilan;
Devid Bekxem (UNICEF) — bolalarni zo‘ravonlik, kasallik va qashshoqlikdan himoya qilish bo‘yicha sa’y-harakatlari bilan (2005 yildan hozirgacha);
Lionel Messi (UNICEF) — bolalar salomatligi va ta’limini qo‘llab-quvvatlashda faol ishtiroki bilan (2010 yildan hozirgacha).
