Afsonaviy aktyor Jeki Chan O‘zbekistonga tashrif buyurishi kutilmoqda. Tashrifning asosiy sabablaridan biri Chan ishtirokidagi “Mo‘jizaviy aslahalar” filmining yangi qismidagi ayrim sahnalar yurtimizda suratga olishni rejalashtirilmoqda.
Bu haqida Qozog‘istonning “Salem Entertainment” media kompaniyasi xabar berdi. Hozirda muzokaralar olib borilmoqda, agar hammasi yaxshi ketsa, mamlakatimiz filmning asosiy joylaridan biriga aylanadi. Suratga olish ishlarining bir qismi Qozog‘istonda ham rejalashtirilgan.
