Joriy yilning 26-sentyabr kuni soat 17:00da O‘zbekiston Milliy kino sanʼati saroyida O‘zbekistonda xizmat ko‘rsatgan yoshlar murabbiysi, aktrisa, rejissyor hamda mahoratli pedagog Munavvara Abdullayeva tavalludining 75 yilligiga bag‘ishlangan ijodiy kecha tashkil etiladi.
Tadbirda sanʼatkorning sahnadagi yorqin ijrolari, milliy kino sanʼati rivojiga qo‘shgan beqiyos hissasi, shogirdlar tarbiyasidagi o‘rni haqida so‘z yuritiladi. Shuningdek, Munavvara Abdullayeva ishtirok etgan filmlardan parchalar namoyish etilishi hamda aktrisaning hayoti va ijodiga oid fotoko‘rgazma ham taqdim etilishi rejalashtirilgan.
