Bred Pitt va Anjelina Jolining muhabbat hikoyasi yillar oshsa ham yodda qoladigan bo‘ldi. Ularning hikoyasi kinolardagidek baxtli yakun topmagan bo‘lsa ham 2003–2004-yillarda suratga olingan “Janob Smit va Smit xonim” filmi maydonchasida xuddi romantik filmga o‘xshab boshlangan edi.
O‘sha paytda Bred aktrisa Jennifer Anistonga uylangan bo‘lishiga qaramasda, Bred va Anjelina o‘rtasida bir uchqun paydo bo‘lgani inkor etib bo‘lmasdi. Lekin ular orasida hech narsa sodir bo‘lmadi, toki 2005-yilda Bred Jennifer bilan ajrashguniga qadar.
Ajrashuvdan keyin Bred va Anjelina deyarli doim birga ko‘rina boshlashdi. Lekin ular oddiy uchrashuvlarga chiqishmadi balki Bred Anjelinaga 2005-yilda Efiopiyaga safarida hamrohlik qildi va u yerda Anjelina ikkinchi farzandi — Zaxarani asrab oldi.
2006-yilga kelib, Anjelinaning bolalari Maddoks va Zaxara ham rasmiy ravishda “Joli-Pitt” familiyasini oldi, chunki Bred ularni qonuniy farzandlikka oldi. O‘sha yili juftlikning ilk biologik farzandi Shaylo tug‘ildi.
Keyingi besh yil davomida ular Gollivudning eng mashhur “IT-juftligi”ga aylandi: dunyo bo‘ylab sayohat qilishdi, turli mamlakatlardan farzand asrab olishdi, saraton kasalligi xavfini yengib o‘tishdi va yirik filmlarda bosh rollarda o‘ynashdi.
2014-yilda Bred va Anjelina Fransiyadagi mulklarida yaqinlari davrasida kichik to‘y o‘tkazishdi. Bolalari ham marosimda faol ishtirok etdi. Afsuski, turmush qurganlaridan keyin ularning munosabatlari asta-sekin yemirila boshladi.
Keyingi ikki yil davomida ular jamoatchilik oldida birlikni saqlashga urinishdi ammo Anjelina tobora ozib, holdan toyib borayotgani munosabatlaridagi og‘irlikni oshkor qilib qo‘ydi.
2016-yilda Anjelina “yarashib bo‘lmaydigan kelishmovchiliklar” sabab ajrashish uchun sudga murojaat qildi. OAV ularning janjallari va farzand tarbiyasi borasida kelishmovchiliklari haqida xabar qildi. Shundan so‘ng hamma narsa ochiq bo‘lib ketdi va jarayon 8 yil davom etgan murakkab vasiylik mojarosiga aylandi.
Bugunga kelib, ular deyarli munosabat saqlab qolmagan. Bredning bolalari bilan ham aloqalari sustlashgan — hattoki, 2024-yilda qizi Shaylo familiyasidan “Pitt” qismini olib tashladi.
