Retro film klubi tomonidan O‘zbekistonda xizmat ko‘rsatgan san’at arbobi Damir Salimov filmlarining namoyishi o‘tkazilmoqda.
Joriy yilning 23–27 iyul kunlari soat 18:30 da Retro film klubi tomonidan O‘zbekiston Milliy kino san’ati saroyida O‘zbekistonda xizmat ko‘rsatgan san’at arbobi, o‘zbek animatsiyasining asoschisi Damir Salimov ijodiga bag‘ishlangan filmlar namoyishi tashkil etilmoqda.
Ushbu haftalik doirasida O‘zbekiston Kino san’ati muzeyi tomonidan Retro kinozalda Damir Salimovga bag‘ishlangan maxsus burchak tashkil etilib, unda ijodkorning faoliyati aks etgan arxiv fotosuratlari hamda san’atdagi xizmatlari e’tirofi sifatida berilgan mukofotlar ko‘rgazmasi namoyish etilmoqda.
Bugun, 25-iyul Klub tomonidan soat 18:30 da “Hayot mazmuni” filmini rus tilida tomosha qilishingiz mumkin.
