Qo‘shiqchi Jastin Biber muxlislarini yangi albomi bilan hayratga soldi va uni “Swag” deb atadi.
Biberning so‘nggi albomi “Justice” chiqqaniga ham 4 yil bo‘lgandi. Endi esa u 20 ta qo‘shiqdan iborat yangi qo‘shiqlar to‘plamni taqdim etdi. Treklar orasida “Dadz Love”, “Devotion” va “Therapy Session” kabi qo‘shiq nomlari ham bor.
Alboming nomi esa qo‘shiqchining 2012-yildagi mashhur “Boyfriend” qo‘shig‘ini eslatadi. Qo‘shiqda “swag, swag, swag, on you” degan misralar bor edi.
Albom promo suratlarida rafiqasi Heyli va o‘g‘li ham bor.
Bu albom muxlislar orasida Biberning ruhiy holati borasidagi xavotirlarini yo‘qotish maqsadida chiqarildi. U so‘nggi oylar ichida OAV shaxsiy hayotiga aralashayotgani haqida bir necha bor ochiq postlar joylagandi.
Yangi albomda Seksi Red, Kesh Kobeyn va Ganna kabi reperlar bilan ham hamkorliklar qilgan.
