Londonda yangi rekord o‘rnatildi — Supermen personajining gigant haykali yaratildi va balandligi 300 metrdan oshadigan “Shard” osmono‘par binosining tepasiga o‘rnatildi.
Londonda amerikalik aktyor Devid Korensvet asosida yaratilgan ulkan Supermen haykali ommaga namoyish qilindi. Haykalning balandligi 3,35 metr, og‘irligi esa 120 kilogrammdan ortiq bo‘lib, u mashhur rejissyor Jeyms Gann tomonidan suratga olinayotgan yangi “Superman” (2025) filmini targ‘ib qilish maqsadida o‘rnatildi.
Haykalni yartish uchun 4 oy kerak bo‘ldi. 20 dan ortiq haykaltarosh uni yaratishga 2000 soat vaqt ajratdi. Haykal faqat bir kunlik reklama aksiyasi doirasida ko‘rgazmaga qo‘yildi. Ko‘plab tomoshabinlar haykal bilan suratga tushib, uni ijtimoiy tarmoqlarda keng tarqatdi.
Bu loyiha Jeyms Gannning DC olamini yangidan boshlash harakatlaridan biri sifatida qaralmoqda. Yangi film 2025-yil 11- iyul kuni katta ekranlarga chiqishi rejalashtirilgan.
