Turk seriallaridagi bosh qahramonlar tomoshabinlar qalbini zabt eta olmasa, serial muvaffaqiyatsizlikka mahkum bo‘ladi. Shu sababli har bir ssenarist o‘z qahramonlarini mukammal yaratishga harakat qiladi. Biroq ko‘p hollarda vaqt o‘tishi bilan ular bunday obrazlarni buzib qo‘yishadi. Quyida aynan shunday holatga tushgan ayol qahramonlar haqida so‘z yuritamiz.
1. Seyran – “Qoʻrgʻon sirlari”
Seyran boshida ko‘pchilik uchun ideal obraz edi. 2022-yilda serial boshlanganidan buyon u o‘zgarib, rivojlanib bordi. Biroq uchinchi faslga kelib, tomoshabinlar unga nisbatan salbiy fikr bildiradigan bo‘lishdi. U erining xastaligi tufayli ajrashishga qaror qiladi va uzoq vaqtga yo‘qoladi. Keyinchalik esa Feritning sogʻlom holatida va Diyar bilan bo‘lishiga qaramay, uni qaytarishga urinadi. Bu esa Feritning holatini yomonlashtiradi va Diyarning qilgan sa’y-harakatlarini bekorga chiqaradi. Seyran tomoshabinlar uchun xudbinlik manbaiga aylangan.
2. Leyla – “Leyla”
Leyla boshida kuchli va adolatparvar qahramon sifatida namoyon bo‘ladi. U adolat uchun kurashadi va bu bilan tomoshabinlar mehrini qozonadi. Biroq keyinchalik uning qasosga bo‘lgan ehtirosi uni do‘stlaridan, hatto o‘z sevgilisidan ham uzoqlashtiradi. Leyla qayerdadir o‘z yo‘lini yo‘qotdi va tomoshabinlarni chuqur xafsalasini pir qildi.
3. Suna – “Qoʻrgʻon sirlari”
Suna dastlab jabr ko‘rgan, ammo kuchli obraz edi. U har doim singlisi Seyranni himoya qilardi. Ammo keyingi fasllarda u o‘zini nomaqbul tutadigan, sevgida ham, oilada ham qarorlarini yo‘qotgan ayolga aylanadi. U Feritga nisbatan eski tuyg‘ularidan qutula olmaydi va nihoyat, bo‘sa olish holatiga ham borib yetadi. Bu esa tomoshabinlarda kuchli norozilik uyg‘otdi.
4. Zerrin – “Uzoq shahar”
Zerrin ilk bor yumshoq va nafis qiz sifatida tanishtirilgan edi. U Kayaga bo‘lgan sevgisi bilan ajralib turgan. Biroq voqealar rivoji uni qahramonlik emas, qurbonlik tomon yetakladi. U Demirga majburan turmushga chiqadi, keyinchalik Kayaga o‘z homiladorligi haqida aytmaydi, natijada esa undan butunlay yuz o‘giradi. Bu o‘zgarish tomoshabinlarda tushunmovchilik va afsus uyg‘otdi.
5. Xadicha – “Muhtasham yuz yil”
Sulton Sulaymonning singlisi dastlab nozik va xushfe’l ayol sifatida tasvirlanadi. Ammo Ibrohim bilan turmushidan keyin u histerik, manipulyativ va hasadgo‘y xarakterga aylanadi. Unga nisbatan nafrat asta-sekin kuchayadi. Tomoshabinlar u haqida yaxshi fikrda bo‘lgan bo‘lsa-da, serial davomida bu ijobiy taassurot butunlay yo‘qoladi.
6. Doa – “Qizil sharbat”
Doa birinchi faslda o‘ziga ishongan va mustaqil ayol sifatida ko‘rinadi. Ammo uchinchi faslga kelib, u o‘z idealizmidan uzoqlashadi. U Fotiqqa qaytadi, mustaqilligini yo‘qotadi va boshqa insonlar hayotini muhokama qilish bilan band bo‘ladi. Bu o‘zgarish nafaqat tomoshabinlar, balki aktrisa Sila Turkog‘lu tomonidan ham tanqid qilindi.
7. Nixon – “Sevgi iztirobi”
“Sevgi iztirobi” serialida Nixon ilk bor aqlli va mustaqil ayol sifatida ko‘rsatiladi. Ammo vaqt o‘tishi bilan u o‘z hayotini boshqarolmaydigan, doim boshqalarga tobelik qiladigan shaxsga aylanadi. Uning qurbonlik holati kuch emas, zaiflik belgisi sifatida talqin qilinadi. Bu esa tomoshabinlar orasida salbiy munosabatga sabab bo‘ladi.
Bu qahramonlar serial boshida ideal obrazlar edi. Ammo voqealar rivoji, ssenariydagi xatolar va xarakterlarning noaniq rivojlanishi ularni tomoshabinlar nazarida yoqimsiz shaxsga aylantirdi.
