2022-yilda Netflix tomonidan suratga olina boshlagan “Temurlang. So’nggi jahongirning yuksalishi” filmi premyera uchun dayarli tayyor. O’zbekiston tarixi va buyuk sarkarda hayotini kengroq yoritishga qaratilgan film O’zbekiston, Qozog’iston hamda Aqsh kino ijodkorlari tomonidan O’zbekiston va Qozog’iston hududlarida suratga olingan.
Rejissiyor Jeykob Shvarts boshchiligida yaratilgan ushbu tarixiy filmda temuriylar sulolasi asoschisi Amir Temurning hokimiyat tepasiga kelishi hamda u qoldirgan meros haqidagi voqealar yoritilgan. Ssenariy muallifi – Metyu Grin bo’lib, Temurlang rolini Kristian Mortensen, uning raqibi Amir Husaynni – Mahesh Jadu, rafiqasi Aljayni o’zbek aktrisasi Yulduz Rajabova ijro etgan.
“Filmda Amir Temurning hokimiyat tepasiga kelishi hamda u qoldirgan meros haqida hikoya qilinadi. Suratga olish jarayonining markazi O‘zbekiston bo‘ldi. Biz mintaqadagi eng muhim tarixiy shaxslardan birining kinotasvirini aynan u yashagan va jang qilgan hududlarda yaratdik. Bu suratga olish jarayoni biz uchun juda qadrli bo‘ldi”, deydi loyiha mualliflari.
Filmni suratga olish ishlari o’tgan yilning kuzida yakunlangan bo’lib, hozirda u post-prodakshn bosqichiga o’tgan. Taxminlarga ko’ra, premyera joriy yil yoz oxirida bo‘lib o’tadi.
