Megan Markl va shahzoda Garri Disneyland’dagi oilaviy suratlarini ijtimoiy tarmoqqa joylaganlaridan keyin internetda shov-shuvlar avj oldi va bu safar nishonda ularning bolalari Lilibet va Archi bo‘ldi.
O‘tgan dam olish kunlari, 43 yoshli Sasseks gersoginyasi Megan Markl Instagram sahifasiga Disneyland bog‘iga qilgan tashriflaridan maxsus post joyladi. Suratlarda Megan va Garri farzandlarining yuzlarini yurak shaklidagi emojilari bilan berkitgan. Bu ularning shaxsiy hayotga bo‘lgan hurmatidan dalolat beradi.
Lekin suratlarni shov-shuvchilar sinchkovlik bilan tahlil qilib, asossiz va g‘alati da’volar bilan chiqishdi. Ularning aytishicha, suratda bolalar aslida yo‘q, ularning tasvirlari sun’iy intellekt yordamida qo‘shib qo‘yilgan.
Ba’zilar suratni tahrir qilib, “g‘ayritabiiy tafsilotlar”ni ko‘rsatishga uringan. Masalan, kimlardir Lilibet havoda muallaq turganini da’vo qilishmoqda.
Yana bitta nazariyaga ko‘ra, ular umuman Disneyland’ga bormagan, sababi ikki kun davomida parkda hech kim ularni ko‘rmagan.
Boshqalar suratdan “tarbiyachini kesib tashlashgan” deb hisoblamoqda yoki surat “qishda olingan” deyishmoqda — sababi Archi qavat-qavat kiyingan va Lilibet yaqinda tushgan suratlarlaridan kichikroq ko‘ringan.Hattoki internetda bolalarning yuzi ochiq ko‘ringan soxta suratlar ham tarqalmoqda, lekin ular tahrirlangan yoki uydirma ekanligi aniq.
