J.K. Rouling 2025-yilda yana milliarderlar ro‘yxatiga kirdi.
Forbes maʼlumotlariga koʻra, uning boyligi $1,2 milliard atrofida baholanmoqda. Ushbu muvaffaqiyatga uning “Garri Potter” serialining davomiy muvaffaqiyati, yangi loyihalar, va biznes qarorlari sabab boʻldi.
Rouling oʻzining boyligini koʻp miqdorda xayriya ishlariga sarflagan boʻlsa-da, “Garri Potter” brendi orqali doimiy daromad oqimi uning moliyaviy holatini mustahkamladi. Uning boyligi asosan kitoblar, filmlar, tematik bogʻlar, litsenziya shartnomalari va boshqa biznes faoliyatlardan kelib chiqadi.
Shuningdek, u hali ham “Garri Potter” brendining asosiy huquqlariga egalik qiladi va yangi loyihalarda faol ishtirok etmoqda. Masalan, hozirda Garri Potter filmining remeyki ishlab chiqilmoqda va u bu loyihada ijodiy rahbar sifatida ishtirok etadi.
Ma’lumot o‘rnida, Joan Rouling Forbes nashrining milliarderlari ro‘yxatiga birinchi marta 2004-yilda kiritilgan. U oʻshanda $1 milliard boylikka ega boʻlib, ro‘yxatda 552-o‘rinni egallagan edi.
Biroq, 2012-yilda Rouling ro‘yxatdan chiqarildi. Forbes uning boyligini $1 milliard deb baholagan boʻlsa-da, uning xayriya ishlariga qilgan $160 millionlik katta hissa qo‘shishi va Buyuk Britaniyadagi yuqori soliqlar sababli boyligi kamaygan.
