44 yoshli Kim Kardashyan 6 yillik mehnatidan so‘ng o‘qishni tamomladi va bu voqeani o‘z uyida o‘tkazilgan kichik bitiruv marosimi bilan nishonladi. Marosimda faqat o‘zi “talaba” bo‘lgan bo‘lishiga qaramasdan u buni Instagram sahifasida katta faxr bilan namoyish qildi. Lekin ko‘plab insonlar izohlarda uch yillik o‘quv dasturini olti yilda tugatganini hazil bilan tanqid qilishdi.
Marosim chog‘ida Kardashyan kulrang futbolka, qora mini yubka va qaymoq rangli bitiruv qalpog‘ini kiygan holda o‘tirgan edi. Ustozlari unga iliq so‘zlar bilan minnatdorchilik bildirib nutq so‘zlashdi, oilasi va farzandlari esa uni qo‘llab-quvvatlab turishdi.
Ustozlaridan biri bu jarayonni “eng ilhomlantiruvchi huquqiy sayohatlardan biri” deb baholadi.
Kardashyan an’anaviy yuridik maktabda o‘qimagan. Kaliforniya shtatida shaxslar to‘rt yillik «Law Office Study Program» (LOSP), ya’ni “huquqni o‘qish” dasturini tamomlab, yurist bo‘lishlari mumkin. U Kalforniya shtatida yurist bo‘lib ishlashi uchun “Bar imtihoni”ni topshirishi kerak.
