“Barbi” filmi yulduzi Margo Robbi turmush qurganidan o‘n yil o‘tib, rasman familiyasini o‘zgartirdi.
36 yoshli aktrisa 2016-yil dekabrida britaniyalik kino prodyuseri Tom Akerliga turmushga chiqqan. Juftlik bundan ikki yil avval uchrashishni boshlagan.
Margo va Tom 2024-yilda o‘g‘illi bo‘lishgan.
Aktrisa shu vaqtgacha professional faoliyatida qizlik familiyasi — Robbidan foydalanib kelgan. Biroq endi u turmush o‘rtog‘ining familiyasini qabul qilgan.
Bu o‘zgarish Margo va Tom birgalikda asos solgan Luckychap Entertainment prodyuserlik kompaniyasiga oid Companies House hujjatlarida qayd etilgan. Hujjatlarda aktrisaning familiyasi “Robbie” o‘rniga “Ackerley” deb ko‘rsatilgan.
Margot Robbi “Barbi”, “Uoll-strit bo‘risi” va “Yirtqich qushlar” kabi filmlardagi rollari bilan tanilgan.
