Jeyms Gunn rejissyorligidagi “Supermen: Kelajak odami” (“Superman: Man of Tomorrow”) filmining suratga olish ishlari rasman yakunlandi.
Rejissyor ijtimoiy tarmoqda suratga olish jarayonining tugaganini ma’lum qilib, aktyorlar va ijodiy jamoaga minnatdorlik bildirdi.
2025-yilda chiqqan “Supermen” filmining davomi bo‘lgan yangi kartinada Devid Korensvet Supermen roliga qaytadi. Nikolas Xolt ijro etgan Leks Lyutor esa bu safar Supermen bilan birga yanada xavfli dushman — superintellektga ega Brayniakka qarshi kurashadi.
Filmda Reychel Brosnaxan, Izabela Mersed, Natan Fillion va Milli Alkott kabi aktyorlar ham ishtirok etadi.
“Superman: Man of Tomorrow” filmi 2027-yil 9-iyulda kinoteatrlarda namoyish etilishi kutilmoqda.
