Yandex Music musiqani yaratishda sun’iy intellektdan foydalanilganini tinglovchilarga ko‘rsatish imkonini beruvchi maxsus belgilash tizimini joriy etmoqchi.
Hozirda platforma huquq egalari bilan yangi tizim tafsilotlarini muhokama qilmoqda va neyrotarmoqlar yordamida yaratilgan treklar haqida ma’lumot to‘plamoqda. Kelgusida ijodkorlarga AI yordamida yaratilgan kontentni ixtiyoriy ravishda belgilash imkoniyati berilishi mumkin. Platforma hozircha barcha AI-treklarni alohida kategoriya sifatida ajratishni rejalashtirmayapti. Dastlabki bosqichda belgilash tinglovchilarni shunchaki xabardor qilish vositasi sifatida ishlatiladi.
Bu yo‘nalishda Yandex Music yolg‘iz emas. Spotify ham kuzda AI yordamida yaratilgan ijodkorlarni maxsus belgilar orqali ko‘rsatishni boshlashini ma’lum qilgan.
