Krishtianu Ronalduning turmush o‘rtog‘i Jorjina Rodriges moda sanoatidagi ilk mustaqil loyihasini taqdim etdi. U Mimoa nomli shaxsiy kiyim brendini ishga tushirdi. WWD nashri xabariga ko‘ra, ushbu brend Dubayda faoliyat yuritadi va mahsulotlarini butun dunyo bo‘ylab sotadi.
Mimoa asosan sport kiyim to‘plamlari hamda kundalik kiyimlarni taklif etadi. Jorjina Rodrigesning so‘zlariga ko‘ra, brend ayollarning turli turmush tarzi, qomati va kun tartibiga mos keladigan qulay hamda hamyonbop sport kiyimlarini yaratish g‘oyasi asosida tashkil etilgan.
Eslatib o‘tamiz, Jorjina Rodriges avval Calzedonia, Guess, Elisabetta Franchi, Chopard kabi mashhur moda va zargarlik brendlari bilan hamkorlik qilgan. Biroq, Mimoa uning moda sohasidagi ilk mustaqil loyihasi hisoblanadi.
