Mashhur rejissyor Tom Ford deyarli 10 yillik tanaffusdan so‘ng yangi filmi — “Cry to Heaven” ustida ishlashni boshlab, rejissyorlikka qaytmoqda. Harper’s BAZAAR xabariga ko‘ra, film Enn Raysning 1982-yilda yozilgan “Cry to Heaven” romani asosida suratga olinmoqda. Eng katta yangilik esa filmda mashhur qo‘shiqchi Adel ham rol o‘ynaydi. Bu uning kino sohasidagi ilk debyuti bo‘ladi.
Filmda shuningdek, Nikolas Xolt, Aaron Teylor-Jonson, Jorj Makkey, Kolin Fert, Pol Bettani, Xanter Shafer, Tandive Nyuton, Deril Makkormak, Luks Paskal va Kassian Bilton ham suratga tushadi.
Roman voqealari XVIII asr Venetsiyada kechadi. U Kalabriyadan kelgan opera olamida mashhurlikka erishish yo‘lidagi kurashi haqida hikoya qiladi. Asar xiyonat, muhabbat, erkinlik va o‘zini anglash mavzularini yoritadi. Bu mavzular Tom Fordning uslubiga ham mos keladi. Rejissyor film ssenariysini shaxsan o‘zi yozgan. Premyera 2026-yil kuzida bo‘lib o‘tishi kutilmoqda.
