O‘zbekiston birinchi prezidentining nabirasi Maryam Tillayeva 5 yildan beri ota-onasi bilan munosabatlarini to‘xtatgandi. U bunga bloger Amiran Sardarov bilan birga tushgan behayo surati sabab bo‘lganini aytgan.
Maryam yaqinda bergan intervyusida otasi bilan aloqalarini tiklagani va hozirda ularning munosabatlari avvalgidanda yaxshiroq ekanligini bildirdi. Ma’lum bo‘lishicha, ota-bola yarashuviga Maryamning yangi jufti — dizayner va biznesmen Arno sabab bo‘lgan.
“Arno otam bilan yarashishimizga yordam berdi, erkak kishi bilan yaxshi aloqada bo‘lish uchun, avvalo otam bilan yarashishim kerak ekan, ammo menda teskarisi bo‘ldi, men birinchi o‘z juftimni topdim va u orqali otam bilan yarashdim” – deydi Maryam Tillayeva o‘z intervyusida.
“Dadam va men ko‘p yig‘ladik va u mendan kechirim so‘radi. Menimcha, mening eng katta xatom oilamni emas, munosabatlarni tanlash bo‘ldi. Men Los-Anjelesni va erimni tanladim va katta xatoga yo‘l qo‘ygandim”, – deb qo‘shimcha qilgan bloger.
