Kevin Kostner yana muhabbatga yo‘l topdi ?
70 yoshli Gollivud yulduzi, 46 yoshli kinorejissor Kelli Nunan Gors bilan yangi munosabat boshlagani aytilmoqda. Kelli — milliarder Alek Gorsning sobiq rafiqasi. Manbalarning so‘zlariga ko‘ra, aktyor “so‘nggi yillarda o‘zini hozirgidek hech qachon baxtli his qilmagan”.
Ularning munosabatlari haqida gap-so‘zlar Aspen shahridagi “JAS Labor Day Experience” tadbiridan keyin paydo bo‘ldi. Har ikkalasi tadbirda qatnashgan bo‘lsa-da, birga ko‘rinishmadi. Shunga qaramay, yaqinlari bu munosabat tezda jiddiylashayotganini aytmoqda. Kostner go‘zal, bir farzandning onasi bo‘lgan Kelli bilan ko‘proq vaqt o‘tkazishga intilmoqda.
Do‘stlari Kellini aktyorning “ideal inson” sifatida ta’riflashmoqda — sportni sevuvchi, tabiatga oshno va sodda inson. Ularni bog‘laydigan jihatlar ham ko‘p: tabiat qo‘ynida sayr qilish, itlar bilan yurish va shov-shuvlardan yiroq hayot tarzini afzal ko‘rish.
Og‘ir ajrashuvni boshidan kechirgan Kostner hozircha ehtiyotkorona qadam tashlayapti. Ammo manbalarning aytishicha, u yana chin muhabbatni topish ehtimolini rad etmaydi.
