Jennifer Lopes Sherning afsonaviy “If I Could Turn Back Time” obrazini eslatuvchi qaymoq rangli asosga ega va qora bezaklar bilan ishlangan jozibali bodi kiyimi bilan sahnaga chiqdi.
U libosni keng yelka shaklida tikilgan qora charm kurtka bilan uyg‘unlashtirdi va soch turmagida esa biroz “grunge” uslubini tanladi.
56 yoshli qo‘shiqchi 79 yoshli Sherning 1989-yildagi xit qo‘shig‘ini ijro etayotganda kiygan afsonaviy ko‘rinishini qayta yaratishga urinayotgandek tuyuldi.
Jennifer hozirda “Up All Night Live in 2025” gastroli doirasida chiqish qilmoqda va sahnada ba’zan juda jasur raqs harakatlarini ham namoyish etmoqda.
