U Parijda Balencia’ga ko‘rgazmasiga yaltiroq ko‘ylak va noodatiy etiklarda kelar ekan, yana diqqat markazida bo‘ldi.
44 yoshli tadbirkor ayol Fransiya poytaxtida brendning namoyishi oldidan yaltiroq oppoq libosda ko‘rinish berdi. U dizaynerning klassik uzun poshnali etiklarini kiyib olgan edi. Bir kun oldin esa u xuddi shunday ko‘rinishda pushti lateks kiyim bilan ham ko‘chada paydo bo‘lgan edi.
“Balenciaga” brendi 2022-yilda bolalarni BDSM mavzusidagi reklamaga suratga tushirgani uchun katta janjalga sabab bo‘lgan. Oradan ikki yil o‘tgach, 2024-yilda Kim ularning yangi brend yetakchisi sifatida e’lon qilindi. Kim bu brend bilan anchadan beri yaqindan hamkorlik qilib keladi.
Kim ilgari Balenciaga’ning reklama kampaniyalarida suratga tushgan, ularning ko‘rgazmalarida qatnashgan va 2021-yilda sobiq ijodiy direktor Demna Gvasaliya bilan “Met Gala” tadbiriga ham borgan edi.
Chorshanba kuni Balenciaga ko‘rgazmasi boshlanishidan avval (tadbirda Keti Perri, Loren Sanches, Nikol Kidman, Kardi B va Salma Hayek ham ishtirok etdi) Kim oq kiyimi, katta qora quyosh ko‘zoynagi bilan hammani o‘ziga qaratdi.
Eng qizig‘i, bino ichkarisiga kirayotganida Kimning telefoni kadrlarga tushib qoldi. U telefonida yaqinda kiygan pushti kiyimdagi suratlarini izlayotgan edi.
