Dizilar olamida ba’zi aktyor va aktrisalar o‘z xohishlari bilan ijodiy ta’tilga ketib, muxlislarni sog‘intirib qo‘ymoqda. Kimlar ular?
Neslihan Atagul
2023 yildagi “Ah, Belinda” filmidan so‘ng Neslihan to‘liq onalikka sho‘ng‘idi. U va Kadir Do‘g‘ulu uzoq kutilgan farzandlari bilan vaqt o‘tkazishni birinchi o‘ringa qo‘yishdi. Aktrisa haftasiga besh kun suratga tushish unga hozir mos emasligini aytgan. Takliflarni o‘qib chiqayotgan bo‘lsa-da, qaytishi hozircha noma’lum.
Nebahat Chehre
“Muhtasham Yuz yıl” yulduzi 2021 yilda pandemiya tufayli ish faoliyatini to‘xtatgan. Ba’zi loyihalar bilan kelishuvlar amalga oshmagan. Hozir kichik rolga rozi bo‘lgan bo‘lsa-da, eski darajadagi yirik loyihalarda hali ko‘rinmadi. Uning “yarim nafaqasi” davom etmoqda.
Merve Bolgur
Nurbanu sulton obrazidan so‘ng Merve 2017 yildan beri seriallarda qatnashmayapti. Produserlar bilan shartlar borasida kelisha olmagani aytiladi — goh gonorar, goh ssenariylar mos kelmagan. O‘zi qaytishni istasa-da, hozircha unga mos loyiha yo‘q. Asosan o‘zining kosmetika brendi bilan shug‘ullanmoqda.
Fahriye Evjen
2023 yilda ikkinchi farzandi tug‘ilgach, Fahriyeninng faoliyati ham to‘xtadi. U oxirgi bor “Alp Arslan: Buyuk Saljuqiy”da ko‘ringan. Remeyklar va yangi ekranizatsiyalar bo‘yicha mish-mishlar ko‘p, ammo aktrisa hali hech birini tasdiqlamadi. Uning ijodiy tanaffusi davom etmoqda.
Kaan Urganjio‘g‘lu
To‘liq tanaffus qilmagan bo‘lsa-da, seriallardan voz kechib, asosan filmlarda paydo bo‘lmoqda. Farzandi tug‘ilgach Akyakaga ko‘chib, oilasi bilan dehqonchilik qilishni boshlagan. Shuning uchun uning ekranlarga qaytishi hozircha aniq emas. O‘zge Gurel bilan loyiha haqidagi xabarlar esa faqat mish-mish bo‘lib qoldi.
