Oʻzbekiston Madaniyat va san’atni rivojlantirish jamg‘armasi tomonidan Toshkentda Jennifer Lopesning konsert dasturi tashkil etilmoqda.
2025-yil 7-avgust kuni Toshkentdagi “Milliy” stadionida jahon super yulduzi Jennifer Lopesning “Up All Night – LIVE IN 2025” jahon sayyor chiqishlari doirasida ijrosi bo‘lib o‘tadi.
O‘zbekistondagi konsert qo‘shiqchining mamlakatdagi ilk chiqishi bo‘lib, xalqaro madaniy hamkorlikni targʻib qilish va respublika turizm sohasini rivojlantirish doirasida jamg‘armaning tashabbusi bilan o‘tkazilib kelayotgan salmoqli madaniy tadbirlar qatoriga kiradi.
