Gollivudning mashhur aktyori Tom Kruz rejissyor Tim Byortonning “Edvard Qaychiqo‘l” (Edward Scissorhands) filmida bosh rolni ijro etishi mumkin edi. Biroq aktyorning ssenariydagi ayrim fantastik jihatlarga mantiqiy izoh izlagani sababli hamkorlik amalga oshmagan.
1990-yilda ekranlarga chiqqan “Edvard Qaychiqo‘l” filmi bugungi kunda Tim Byorton ijodidagi eng mashhur kartinalardSsenariydan mantiq topolmagani uchun Tom Kruz “Edvard Qaychiqo‘l” obrazidan voz kechgan
an biri hisoblanadi. Ammo filmning bosh qahramoni dastlab Jonni Depp emas, balki Tom Kruz tomonidan gavdalantirilishi mumkin edi.
Film ssenariynavisi Kerolayn Tompsonning so‘zlariga ko‘ra, Tom Kruz Edvard obraziga qiziqish bildirgan va rejissyor bilan uchrashgan. Biroq ssenariy bilan tanishish jarayonida aktyorda bir qancha savollar paydo bo‘lgan.
Xususan, u qo‘llari o‘rnida qaychilar bo‘lgan qahramonning qanday ovqatlanishi, hojatxonaga qanday borishi va shuncha yil davomida qanday yashab kelgani bilan qiziqqan.
Tompsonning ta’kidlashicha, bunday savollarga javob izlash filmning ertaknamo mohiyatiga zid edi. Chunki kartina kundalik hayot qonuniyatlariga emas, balki fantastik tasavvur va insoniy tuyg‘ularga asoslangan.
Tom Kruz esa ushbu savollarga javob olmasdan turib, rolni ijro etishga tayyor bo‘lmagan. Natijada aktyor va rejissyor o‘rtasidagi muzokaralar kelishuvsiz yakunlangan.
Keyinchalik Tim Byorton bosh rolga Jonni Deppni tanlagan. Depp qahramonning fantastik tabiatini qabul qilib, uning yolg‘izligi, beg‘uborligi va jamiyatga moslashishdagi qiyinchiliklarini ekran orqali ta’sirchan ifodalay olgan.
Natijada Edvard obrazi Jonni Deppning kino faoliyatidagi eng mashhur va esda qolarli rollaridan biriga aylangan. Film esa o‘ziga xos vizual uslubi va ta’sirchan hikoyasi bilan kino tarixidan joy olgan.
Qiziq, agar Edvard Qaychiqo‘l rolini Tom Kruz ijro etganida, film qanday ko‘rinish olgan bo‘lardi?
