Kolumbiyalik mashhur xonanda Shakira Misrning Giza piramidalari yonida o‘tkazilishi rejalashtirilgan konsertini 2027-yilga qoldirdi.
Dastlab 2026-yil 28-noyabrga belgilangan konsert endilikda 2027-yil 2-aprel kuni bo‘lib o‘tadi. Xonanda bu haqda Instagram sahifasida ma’lum qilib, qarorga mintaqadagi mavjud vaziyat va tomoshabinlar xavfsizligi bilan bog‘liq omillar sabab bo‘lganini bildirdi.
«Misr piramidalari yonida chiqish qilish — ijodiy faoliyatimdagi orzularimdan biri. Sizlar bilan uchrashish uchun yana biroz kutishga to‘g‘ri kelayotgani qalbimni og‘ritmoqda», — deya yozdi Shakira.
Xonanda konsertning kechiktirilganidan afsusda ekanini bildirib, misrlik muxlislari bilan uchrashishni intiqlik bilan kutayotganini ta’kidladi.
