Universal va DreamWorks Animation beshinchi “Shrek” filmining premyerasini 2026-yil 23-dekabrdan 2027-yil 30-iyunga ko‘chirdi, deb xabar beradi Variety.
Bu allaqachon “Shrek 5” chiqishining ikkinchi marta kechiktirilishi bo‘ldi — avvaliga u 2026-yil iyulida taqdim etilishi rejalashtirilgan edi. Keyin filmning premyerasi 2026-yil dekabriga o‘tkazilgandi. Studiya kechikish sababini oshkor qilmadi.
“Shrek 5” asl “Shrek” animatsion xitining chiqishidan chorak asr o‘tib katta ekranlarga qaytadi. 2001-yilda chiqqan birinchi film “baxtli yakun” tushunchasini qayta talqin qilgan edi. “Shrek” darhol muvaffaqiyat qozonib, dunyo bo‘ylab qariyb 500 million dollar yig‘di va tarixda birinchi bo‘lib “Oskar” olgan animatsion film bo‘ldi. Undan so‘ng uchta davomi chiqdi: “Shrek 2” (2004), “Shrek Uchinchi” (2007) va “Shrek abadiy” (2010), shuningdek, ikkita “Puss in Boots” (“Etik kiygan mushuk”) spin-offlari.
Yangi qismda o‘z rollariga Mayk Mayers, Eddi Myorfi va Kemeron Dias qaytishadi.
Yaqinda ma’lum bo‘lishicha, DreamWorks franshizasi yangi davomini ham oladi — unda bosh qahramonning sodiq do‘sti Eshak haqida alohida film suratga olinadi.
