Orlando Blum Venetsiyada Jeff Bezos va Loren Sanchesning 20 million dollarlik dabdabali to‘yidan oldin Kim Kardashyan bilan samimiy uchrashuvdan zavq oldi.
Aytilishicha, aktyor unashtirilgan sevgilisi Keti Perri bilan ajrashgan va yulduzlar bilan to‘la marosimda ilk bor “yolg‘iz yigit” sifatida qatnashmoqda.
48 yoshli Orlando hech ikkilanmay, 44 yoshli Kim bilan bir necha marotaba “havodan o‘pich” yo‘lladi. Ular Xloe Kardashyan va boshqa do‘stlari bilan birga to‘ydan oldin suhbatlashib, ko‘rishib olishdi.
Orlando va Kimning o‘zaro “tarixi” ham bor: o‘tgan yili bir tadbirda Orlando Ketti bilan birga bo‘lsa ham, Kimning orqasidan qiziqish bilan qarab turgan fotosurati mashhur bo‘lib ketgan edi.
2023-yil sentabr oyida bo‘lib o‘tgan ‘Kering Foundation‘ tashkilotining “Ayollarni qo‘llab-quvvatlash kechasi”da Orlando Kettining belidan quchoqlab turgancha Kimning orqasiga qarayotgani kameraga tushib qolgan.
Bu surat internetda darrov mashhur bo‘lib ketgan, lekin Keti Perri buni jiddiy qabul qilmay: “Bu ish menga maqul! Nima bo‘pti endi?” deb hazillashib, mojaroni ortga surgan edi.
