Britaniyalik aktrisa Naomi Uotts, “Mulxolland drayv”va “Imkonsiz” (The Impossible) filmlaridagi rollari bilan tanilgan, endi Gollivudning mashhur “Shon-shuhrat xiyoboni” da o‘z yulduziga ega bo‘ldi.
Yulduz ochilish marosimida Naomi Uottsning o‘zi bilan birga taniqli aktyorlar Jek Blek va Edvard Norton ham ishtirok etishdi. Shuningdek, tadbirda Rayan Merfi, Sara Polson, Nisi Nesh va Kayl MakLoxlen ham mehmon sifatida qatnashishdi. Hamkasblari aktrisani samimiy tabriklab, uning ijodiga yuksak baho berishdi.
Marosimda so‘zga chiqqan aktrisa: “Men hozir his qilayotgan minnatdorchilik tuyg‘usini so‘z bilan ifoda etish qiyin”, — dedi.
Uotts o‘z hayotiga eng katta ta’sir ko‘rsatgan uch kishini alohida tilga oldi: onasi, rejissyor Devid Linch va teleproduser Rayan Merfi.
Aktrisa onasi haqida shunday dedi: “Onam mening tasavvurimni boyitgan va meni teatrga olib borgan inson. U meni sahnaga oshno qilgan.”
Shuningdek, u Devid Linch va uning kasting-direktori Joanna Reyning qo‘llab-quvvatlashi tufayli aktyorlikni tashlab ketmasligini aytdi. Naomi Uotts o‘zining agentlari, menejerlari va butun jamoasiga minnatdorchilik bildirib, rejissyor Alejandro Inyarrituni ham “ikki ajoyib rol” uchun alohida e’tirof etdi.
