Jastin Biber muxlislarini xursand qildi: Xeylining jozibali suratlarini Instagram sahifasiga joyladi
Kanadalik 31 yoshli qo‘shiqchi juma oqshomini rafiqasi Xeylining “thirst trap” suratlarini Instagram sahifasida ulashishga bag‘ishladi — bu esa muxlislarni hayajonga soldi. Rasmda Xeylining yashil rangdagi “Gucci” brendining arxividan olingan bluzkasida ko‘rinadi. Jastin suratga “mindblown” (hayrat) emoji qo‘yib, juftlik orasida muammolar borligi haqidagi mish-mishlarga nuqta qo‘ydi. Muxlislar esa izohlarda uni “rafiqasiga oshiq” deb yozishdi. Bu voqea Jastinning yangi albomi — “SWAG II” chiqqanidan keyin bo‘ldi. Albomning birinchi qismida joy olgan “Go Baby” qo‘shig‘ida esa Xeyli haqida so‘z yuritiladi: “Bu mening sevgilim, u afsonaviy, iPhone g‘ilofi, lab bo‘yog‘i unda”, deb Xeylining “RHODE lip gloss” telefon g‘ilofiga ishora qilingan.
