Jastin Biber sobiq menejeri Skuter Braun bilan bo‘lgan nizodan kelib chiqqan ko‘p million dollarlik qarzni to‘lashga va’da berdi, deb xabar beradi Page Six.
2022-yilda Jastin Biber sog‘lig‘i bilan bog‘liq muammolar sababli musiqa gastrolini bekor qilgan edi. O‘shanda uning menejeri Skuter Braun butun javobgarlikni o‘z zimmasiga olib, Biberning 26 million dollar miqdoridagi qarzini yopgan edi. Ammo bu masala tinch yo‘l bilan hal bo‘ldi: Biber menejeriga 11 million dollar qarzni qaytarishga va’da berdi.
Jastin Biberning boyligi hozirda 300 million dollar deb baholanmoqda. Shu bilan birga, u 2022-yilda moliyaviy inqiroz yoqasiga kelib qolgan va o‘zining musiqiy katalogini 200 million dollarga sotishga majbur bo‘lgan.
Aytgancha, avvalroq internetda Jastinning turmush o‘rtog‘i Heyli Biber eriga qarzlardan qutulishga yordam berish uchun o‘zining “Rhode” kosmetika brendini sotdi, degan mish-mishlar tarqalgan edi.
