Kino olamida katta qiziqish uyg‘otgan yangiliklardan biri — “Ijtimoiy tarmoq 2” filmining suratga olinishi bo‘ldi. Manbalarga ko‘ra, bosh rollar uchun mashhur aktrisa Mayki Medison va so‘nggi yillarda katta mashhurlikka erishgan aktyor Jeremi Allen Uayt nomzod sifatida ko‘rib chiqilmoqda.
Yulduzlar tarkibi va kutilayotgan yangiliklar
Hozircha aktyorlar bilan rasmiy shartnomalar imzolanmagan, ammo insayderlar yaqin kunlarda barcha kelishuvlar kuchga kirishini ma’lum qilishmoqda. Muhimi, film ustida yana bir bor taniqli rejissyor va ssenarist Aaron Sorkin ishlaydi. Aynan u birinchi qismni ham yaratgan va o‘sha paytda film katta muvaffaqiyatga erishgandi.
Jessi Ayzenberg qaytadimi?
Muxlislarni eng ko‘p qiziqtirayotgan savol — Jessi Ayzenberg yana Mark Sukerberg roliga qaytadimi? Bu haqda hozircha rasmiy xabar yo‘q. Shunga qaramay, ko‘plar uning qaytishini intiqlik bilan kutmoqda, chunki aynan Ayzenberg ning ijrosi birinchi filmni kino tarixidagi eng muhim dramlardan biriga aylantirgan edi.
“Ijtimoiy tarmoq” filmi Facebook’ning ilk yillari va Mark Sukerbergning ijtimoiy tarmoq imperiyasini barpo etish jarayonini o‘ziga xos tarzda ko‘rsatib, tomoshabinlar qalbidan joy olgan edi. Endi esa davom qismida nafaqat kompaniya tarixi, balki so‘nggi yillardagi internet va texnologiyalar dunyosidagi o‘zgarishlar ham ko‘rsatilishi mumkinligi taxmin qilinmoqda.
Premyera sanasi hali e’lon qilinmagan bo‘lsa-da, film hozirdanoq yilning eng kutilgan kartinalaridan biriga aylandi.
