Garri Stayls “Glastonbury” festivalida sirli ayol bilan ehtirosli o‘pishgani aytilmoqda
31 yoshli sobiq “One Direction” yulduzi shanba kuni do‘stlari bilan musiqa bayramidan zavqlanayotgan edi. Ammo oqshom Garri VIP hududda kimligi noma’lum bir ayol bilan juda yaqin holatda ko‘ringan.
“The Sun” gazetasi e’lon qilgan videoda Garri raqs maydonida bu ayol bilan o‘pishgani aks etgan bo‘lib, guvohlarning aytishicha, ular “ajralmas” holatda bo‘lishgan.
Aytilishicha, Garri do‘stlari bilan VIP zonada bo‘lgan va sirli ayol kelganida uni bir necha bor yanoqlaridan o‘pgan. Shundan keyin Garri uni raqs maydonchasiga yetaklab olib o‘tgan va hech kimdan uyalmasdan qizg‘in o‘pishgan.
Bir manbaning so‘zlariga ko‘ra:
“Garrining butun e’tibori faqat shu ayolda edi. Ular yonma-yon kelgan paytda cheksiz joziba taralayotgandi.”
Manba yana qo‘shimcha qilgan:
“Ular kelganidan taxminan bir soat o‘tib, ko‘pchilik oldida o‘pishib, kim nima derkin deb umuman o‘ylashmadi.”
“Ikkisi ham juda xursand edi va allaqachon bir-birini juda yaxshi taniydigandek yaqin edi,” — deya izoh bergan guvoh.Ma’lumot uchun, Garri Stayls’ning oldingi ochiqcha o‘pishgani 2023-yilda Tokioda supermodel Emily Ratajkovski bilan bo‘lgandi.
