BTS guruhi to‘rt yillik tanaffusdan keyin yana sahnaga qaytmoqda
Bloomberg nashrining xabar berishicha, K-pop guruhi 2026-yil mart oyi oxirida yangi albom chiqarishni rejalashtirgan. Guruh dunyo bo‘ylab 65 ta, shu jumladan, Shimoliy Amerikada 30 dan ortiq konsert berish g‘oyasi borligini aytib o‘tgan.
Bloomberg nashrining bu xabarlarini Hybe korporatsiyasi rad etdi va BTSning yangi dunyo gastrollarining sanalari va ko‘lami haqidagi ma’lumotlar hali yakunlangani yo‘qligi haqida xabar berdi.
BTSning so‘nggi to‘liq gastroli 2019-yilda bo‘lib o‘tgan. Shundan so‘ng, COVID-19 pandemiyasi tufayli gastrollar to‘xtatilgan. 2020 va 2021 yillardagi gastrol konsertlari bekor qilingan. Guruhning yakuniy konserti 2022-yil aprel oyida bo‘lib o‘tgan, shundan so‘ng esa K-pop guruhi a’zolari Janubiy Koreyada majburiy bo‘lgan harbiy xizmatga jo‘nab ketishgan.
