Syuzi va Kim U Bin ishtirokidagi “Barcha orzularing ushaladi” doramasi muvaffaqiyatsiz treyleri uchun tanqid qilindi.
Netflix’ning yangi doramasi “Barcha orzularing ushaladi” bahsli treyleri sabab tanqidga uchradi. Hatto uni oziq-ovqat reklamasi bilan solishtirishdi.
Serialda bosh rollarni Syuzi va Kim U Bin ijro etadi. Birinchi treyler internetda tez tarqaldi, ammo tomoshabinlarning e’tiborini suratga olish jamoasi kutgandek emas, butunlay boshqa sabablar bilan tortdi.
Syujet markazida — Ka Yon (Syuzi), sokin hayot kechirayotgan, qattiqqo‘l buvisi tarbiyasida ulg‘aygan qiz. U hayotidagi qorong‘i tomonlarini jilovlashga uringan buvisi yordamida odatiy hayot kechiradi. Biroq bir kuni qo‘liga ming yil davomida qamalgan sho‘x ruh — Jinn (Kim U Bin) yashiringan chiroq tushib qoladi.
Jinn unga uchta tilakni bajarishga va’da beradi va shu orqali qahramonni kutilmagan sarguzashtlarga tortib kiradi. Ularning orasida asta-sekin romantik hislar ham paydo bo‘ladi. Ammo tez orada ma’lum bo‘lishicha, Jinn oddiy sho‘x ruh emas, balki odamlarning vasvasaga qarshi turishga qodir-qodir emasligini sinash uchun kelgan iblis ekan.
Romantika, fantastika va falsafiy to‘qnashuv aralashmasi natijasida lampadagi jin haqidagi oddiy rivoyat mutlaqo yangi, yanada qorong‘i talqinda qayta yaratilgan.
Dorama premyerasi 3-oktabr kuni bo‘lib o‘tadi.
