Anjelina Joli va Bred Pittning 19 yoshli qizi Shaylo yozgi ta’til davrida dugonasi Keoni Rouzning uyiga ko‘chib o‘tdi, deb xabar bermoqda Daily Mail.
Anjelina bu yangilikni og‘ir qabul qilgan — u har doim bolalarining bir uyda bo‘lishini xohlaydi. Biroq yaqinlarining aytishicha, u haddan tashqari xavotirga tushmagan, chunki farzandlari qayerga bormasin, ularni xavfsizlik xizmati doimiy nazoratda ushlab turadi.
Shaylo ayni paytda raqs bilan faol shug‘ullanmoqda. Aytishlaricha, u Keoni bilan ham raqs studiyasida tanishgan bo‘lishi mumkin. Iyul oyining boshida ularning Los-Anjelesdagi raqs studiyasiga birga ketayotgani va keyinchalik do‘stlari bilan restoranda uchrashgani kuzatilgan.
Ma’lumot uchun: 50 yoshli Anjelina Joliyning olti farzandi bor — 23 yoshli Madox, 21 yoshli Paks, 20 yoshli Zahara, 19 yoshli Shaylo hamda 17 yoshli egizaklar Noks va Vivyen.
Eslatib o‘tamiz, Anjelina va Bred Pitt o‘rtasidagi ajrimdan keyin hali ham mojaro davom etmoqda. Yaqinda Pitt sobiq rafiqasidan ularning oilaviy vino ishlab chiqarish kompaniyasiga oid da’vo doirasida shaxsiy yozishmalarni sudga taqdim etishini talab qilgan.
