Dakota Jonson Kris Martin 8 yillik munosabatlariga yakun yasadi. Aktrisa og‘ir hissiyotlarni boshdan kechirmoqda.
Aktrisa Dakota Jonson va “Coldplay” guruhi yetakchisi Kris Martin 8yil birga yashashganidan so‘ng munosabatlarini yakunlashdi. 35 yoshli Dakota va 48 yoshli Kris ilk bor 2017-yilda birga ko‘rinish bergan va oradan biroz vaqt o‘tib unashtirilganliklari haqida xabarlar tarqalgan edi.
Ammo chorshanba kuni ularning ajrashgani rasman ma’lum bo‘ldi.
Ichki manbalarga ko‘ra, ajralishlarning asosiy sababi — ikkalasining ham faol kasbiy hayoti ularni turli yo‘llarga boshlagani bo‘lgan.
“Dakota munosabatlarini saqlab qolishni juda xohlagan. U nafaqat Krishni balki uning ikki farzandini ham juda yaxshi ko‘radi. Bu yo‘qotish unga og‘ir botdi. Ajralish tinchlik bilan kechgan bo‘lsa ham Dakota uchun bu jarayon oson emas,” — deyiladi manbada.
So‘nggi bir yil ichida ularning munosabatlarida o‘sish bo‘lmagani, bir joyda to‘xtab qolgani sezilgan.
Shuningdek, ular birgalikda farzand ko‘rish masalasida aniq qarorga ega emas edi. Ammo asosiy muammo — Kris Martinning doimiy gastrol safarlari bo‘ldi. U 3 yildan beri jahon bo‘ylab konsert turlari bilan band bo‘lib, tig‘iz jadvalga ega edi.
Manbadagiso‘zlariga ko‘ra:
“Kris sokinlikni, bir joyda qolishni xohlamaydi — bu esa, oxir-oqibat, ularning munosabatini barbod qilgan omillardan biri bo‘ldi.”
