Gollivudning mashhur aktrisasi Anjelina Joli nafaqat kino olamidagi faoliyati, balki tabiatni muhofaza qilishga qaratilgan tashabbuslari bilan ham e’tibor qozonmoqda.
La Nación nashrining xabar berishicha, aktrisa Kambodjadagi Samlaut o‘rmoni yaqinidan qariyb 39 gektar yer sotib olgan. Uning jamg‘armasi esa mamlakatning Battambang va Paylin viloyatlaridagi 60 994 gektar tabiiy hududni muhofaza qilishga ko‘maklashmoqda.
Ilgari noqonuniy ovchilik keng tarqalgan ushbu hudud bugun ko‘plab noyob hayvonlar uchun xavfsiz yashash maskaniga aylanishi yo‘lida muhofaza qilinmoqda.
Ma’lumotlarga ko‘ra, bu yerda 30 turdagi sutemizuvchi, 140 turdagi qush va yo‘qolib ketish xavfi ostidagi Osiyo fillari yashaydi.
Anjelina Jolining mazkur tashabbusi Kambodja tabiatini asrash va noyob hayvonlarni himoya qilishga xizmat qilmoqda.
Manbalar: La Nación, Xataka.
