Kanye Uestning Sankt-Peterburgdagi 10 va 11-oktabrga rejalashtirilgan konsertlari bekor qilindi. Bu haqda Fontanka nashri xabar bergan.
Ma’lumotlarga ko‘ra, konsert barcha zarur idoralar bilan kelishilmagan. Gazprom Arena stadioni konsert bo‘yicha hech qanday shartnoma imzolanmaganini rasman ma’lum qildi. Qizig‘i, Rossiyada Kanye Uestning oktyabrdagi chiqishlari uchun 100 mingdan ortiq chipta sotilgani avvalroq xabar qilingandi. Manbalardan biriga ko‘ra, reperning Rossiyaga kelishi uchun 1,5 milliard rubldan ortiq gonorar to‘lanishi kerak bo‘lgan.
Kanye Uestning “Ye Live Concert Tour 2026” jahon gastrol safari aprel oyida boshlangan. Reper AQSH, Niderlandiya, Turkiya, Gruziya, Qozog‘iston, Albaniya, Ispaniya va Portugaliyada sahnaga chiqqan.
Ayni paytda, uning Rossiyadagi konsertlari nima sababdan rasman bekor qilingani borasida qo‘shimcha izoh berilmagan.
