“Barselona” klubining yosh yulduzi Lamin Yamal va o‘zidan 12 yosh katta bo‘lgan styuardessa, Italiyadagi ta’tildan so‘ng “yaqin munosabatlariga nom qo‘yishni xohlamayotganliklarini” aytishdi
17 yoshli Lamin Yamal va 29 yoshli ispaniyalik styuardessa hamda bloger Fati Vaskesning Italiyada ta’til fotosuratlari nashr qilindi.
Bu fotosuratlardan oldin Yamal va Vaskes bir necha kun davomida bir xil joylardan suratlar joylashtirishgani kuzatilgan edi. Ularning fotosuratlaridan ko‘rinib turibdiki juftlik hashamatli hayot tarzidan bahramand bo‘lgan: yaxta sayohati, basseyn bo‘yida hordiq va hatto vertolyotda uchish ham shular jumlasidan.
“Lecturas” nashri ularning “ochiq-oydin do‘stligi” borligini ta’kidlab, “bu munosabatga nom qo‘yishni istamayaptilar”, deb yozgan. Shuningdek, ular “bir-birlarini juda yaxshi tushunishadi” deb aytilgan.
“Ularning yaqinligi shunchalik kuchliki, mavsumning eng muhim pallalaridan birida birga ta’tilga chiqishdan tortinmadilar. Ular hammasidan uzoqlashib, muvaffaqiyatlarini nishonlashni istashdi.”
Hisobotda ular o‘rtasida “aniq bog‘liqlik” borligi aytilib, “yosh farqi ularning bir-birini tushunishiga xalal bermayotgani” ham qayd etilgan.
