Yulduz bo‘lish yaxshi, albatta, lekin mashhurlikning o‘ziga yarasha muammolari ham yo‘q emas.
Seriallar tobora mashhur bo‘lib borar ekan, aktyor va aktrisalar uchun munosabatlarini yashirish yanada qiyinlashadi. Biroq, muhabbatni muxlislar va jurnalistlardan yashirish uchun hanuzgacha ishlatilayotgan usullar mavjud va ular — ishlaydi!
Ushbu maqolada Kerem Byursin, Hande Erchel, Afra Saracho‘g‘lu kabi omma e’tiboridagi mashhurlar qo‘llagan deb taxmin qilinayotgan eng mashhur “layfxaklar” jamlangan.
1. Soxta ajralishlar va janjallar
Agar Afra Saracho‘g‘lu va Mert Ramazon Demir orasida haqiqatdan ham munosabat bo‘lgan bo‘lsa — bu eng ko‘p ishlatilgan hiyla bo‘lishi mumkin. Ular haqida matbuotda tez-tez ajralish yoki janjal haqidagi mish-mishlar paydo bo‘lar edi. Bu orada jurnalistlar ularni birga ko‘rishga urinmasdan, vaqtincha ortga chekinardi. Aynan shu davrda juftlik bemalol uchrashib, birga vaqt o‘tkazishi mumkin edi. Chunki hamma “ular ajrashgan” deb o‘ylardi va ortiqcha e’tibor yo‘qolgan bo‘lardi.
2. Boshqa inson bilan soxta munosabatlar
Bunday usul ham tez-tez qo‘llaniladi. Masalan, muallif Hande Erchel va Hakan Sabanji munosabatlari haqidagi xabarlardan ancha oldin, ular allaqachon uchrashishni boshlagan deb o‘ylagan. Ammo o‘sha paytda hamma diqqat Kerem Byursin bilan ajrashuvga qaratilgan edi, bu esa yangi munosabatni bosqichma-bosqich yashirincha boshlash imkonini berdi.
Rasmiy misollar ko‘p bo‘lmasa-da, aynan shu fakt bu usulning kuchini ko‘rsatadi: hech kim aniq bilmaydi. Ba’zida bunday soxta munosabatlar yangi loyiha reklamasiga xizmat qilgan, ba’zida esa haqiqatni yashirishga.
3. Jurnalistlarga qarshi sud da’volari
Agar boshqa usullar foyda bermasa va matbuot vakillari har qanday yo‘l bilan haqiqatni aniqlashga urinayotgan bo‘lsa, ishga menejerlar kirishadi va oldindan ogohlantirish xatlari orqali matbuotga da’volar yuboriladi.
Shaxsiy hayotga aralashish jurnalistlarga ayrim mavzular bo‘yicha savol berishni taqiqlashga asos bo‘lishi mumkin. Agar bu ham yordam bermasa, ommaviy axborot vositalarini dahshatga soladigan qadamlar tashlanadi. Masalan, Hakan Sabanji Hande Erchel bilan munosabatlari matbuot e’tiborida bo‘lganda shunday yo‘l tutgan edi.
Bundan tashqari, ba’zi jurnalistlar menejerlar tomonidan buyurtma qilingan “xavfsiz” materiallarni yozishadi — ular eksklyuziv bo‘ladi, shu bilan birga sud xavfidan xoli bo‘ladi.
4. Boshqa davlatda dam olish
Yashirin sevgi sarguzashtlari ko‘pincha chet el sayohatlari orqali amalga oshiriladi. Masalan, “Qo‘rg‘on sirlari” seriali yulduzlari Beril Pozam va Ersin Ariji shunday yo‘l tutgan. Dastlab ular ijtimoiy tarmoqlarda joylashtirgan fotosuratlar fonidagi o‘xshash joylar asosida farazlar paydo bo‘ldi, ammo bu tasodif deb qabul qilindi.
Beril ta’tilni Oznur Sercheler (“Qo‘rg‘on sirlaridagi” Asuman) bilan o‘tkazayotganini bildirgan va bu orqali diqqatni chalg‘itishga muvaffaq bo‘lgan. Natijada jurnalistlar ham, muxlislar ham iz qidirmay qo‘yishgan. Keyinchalik ular munosabatlarini ochiq e’lon qilishdi va 2024-yil yozida turmush qurishdi.
5. Faqat do‘stlar orqali muloqot qilish
Agar yulduzlar jamoatchilik ularni birga ko‘rmasligini istasa, aloqani to‘g‘ridan-to‘g‘ri emas, balki umumiy tanishlar orqali olib borishadi. Bu juda “josusona” ko‘rinadigan usul, ammo juda samarali.
Masalan, Kerem Byursin uzoq vaqt Melisa Sabanji bilan bo‘lgan munosabatlarini aynan shu tarzda yashirgan bo‘lishi mumkin. Eng puxta turk jurnalistlari ham bu haqda xabarsiz qolgan, toki aktyor o‘zi munosabatda ekanini e’tirof etmaguncha. Shundagina jurnalistlar arxivlarni titkilab, Melisani aniqlagan.
Xulosa qilib aytganda, yulduzlar har doim bir qadam oldinda. Muhabbatni yashirish — yulduzlar uchun deyarli san’at darajasiga ko‘tarilgan. Turk mashhurlari jurnalistlarni aldashning va e’tibordan qochishning turli-tuman usullarini topib kelmoqda. Va, ko‘rinishicha, bu usullar baribir ishlamoqda!
