2026-yil 5-yanvar kuni aktyor Timoti Shalame 31‑chi Critics Choice Awards marosimida Kayli Jеnnerga bo‘lgan sevgisini jamoat oldida ilk bor e’lon qildi. «Eng yaxshi aktyor» nominatsiyasida mukofot olgan paytida u sevgilisi uchun iliq so‘zlar aytdi va tomoshabinlarni hayratga soldi.
So‘nggi uch yil davomida yonimda bo‘lgan sevgilimga rahmat. Senga tayangan holda men bunga erishdim. Men seni sevaman», — dedi Timoti sahnada.
Kayli esa, marosim zalida o‘tirgan holda, ko‘z yoshlarini ushlab turib, javoban: «Men ham seni sevaman» dedi. Bu onni kameralar qayd etdi va tez orada ijtimoiy tarmoqlarda ommalashdi.
Oldin Timoti Shalame munosabatlari haqida ochiqchasiga gapirmasligi bilan tanilgan, shuning uchun bu oshkora tan olish uning shaxsiy hayotidagi muhim bosqich bo‘ldi.
Juftlik taxminan uch yildan beri birga. Shu vaqt davomida ular bir necha marotaba jamoat oldida birga ko‘rinish berishgan, ammo Timoti hech qachon bunday samimiy va ochiq sevgini oshkor qilmagan edi. Ushbu tan olish ularning munosabatlari qanchalik jiddiy ekanini ham namoyon etdi.
Tomoshabinlar va muxlislar uchun bu lahza 2026-yilning boshidagi eng esda qolarli voqealardan biri bo‘ldi, va Shalame so‘zlari darhol global yangiliklar va ijtimoiy tarmoqlarda muhokama qilindi.
