Aktrisa Nikol Kidman musiqachi Kit Urban bilan rasman ajrashdi, deb xabar bermoqda Daily Mail. O‘rtadagi mulk 282 million dollar miqdorida bo‘lib olingan.
Ajrashish haqidagi arizani aynan aktrisaning o‘zi topshirgan. Unda u o‘rtasida “murosasiz kelishmovchiliklar” mavjudligini, shu sababli oilaviy hayotni davom ettirishning imkoni yo‘qligini ta’kidlagan.
Tomonlar mulkni taqsimlash bo‘yicha kelishuv imzolashdi. Bank hisoblari, investitsiyalar, san’at asarlari, uylar va avtomobillar teng ikki qismga bo‘linadi. Shu bilan birga, har bir tomon hozir o‘z tasarrufida bo‘lgan mulkni saqlab qoladi. Qayd etilishicha, nikoh davomida juftlik Sidneyda joylashgan baland binodagi olti kvartira, Manxetten va Beverli-Xillzdagi uylar, Neshvilledagi hashamatli uy hamda Avstraliyadagi mulkni sotib olgan. Umumiy mulkning qiymati 282 million dollarga baholanmoqda.
Bolalar bilan muloqot tartibi alohida belgilangan. Ular asosan onasi bilan yashaydi. Nikol Kidman bilan 17 yoshli Sandi Rouz va 15 yoshli Feyt yiliga 306 kunni o‘tkazadi. Otasi esa ularni 59 kun ko‘ra oladi, ya’ni oyning har ikkinchi dam olish kunlarida.
Nikol Kidman va Kit Urban ajrashganidan xursand bo‘lganlar orasida aktrisaning katta farzandlari — Izabella va Konnor ham bor. Ularni Nikol Kidman Tom Kruz bilan turmush qurgan paytida bolalar uyidan asrab olgan. Ularning fikricha, Urban zararli odatlari tufayli Kidmanga salbiy ta’sir ko‘rsatgan.
