Madaniyat vazirligi matbuot xizmati ma’lum qilishicha, Botir Zokirov nomidagi Milliy estrada san’ati instituti pedagogi To’lqin Tojiyev “Meikin Asia” xalqaro musiqa tanlovida uchinchi o‘rinni egallagan.
2025-yilning 20-22-iyul kunlari Qirg‘izistonning Cholpon-Ota shahrida, Issiqko‘l sohilida bo‘lib o‘tgan “Meikin Asia” xalqaro musiqa tanlovi a’lo darajadagi final bilan o‘z nihoyasiga yetdi. Turk dunyosi va boshqa mintaqalardan yosh iste’dod egalari ishtirok etgan ushbu tanlovda xalqaro hakamlar hay’ati baholashi natijasida g‘oliblar aniqlandi.
Festivalning eng yuqori mukofoti — Gran-pri o‘zining ta’sirchan sahna chiqishi va kuchli talqini bilan ajralib turgan Diana Stіnkulesa (Ruminiya)ga berildi. U 8 000 dollar miqdorida pul mukofoti ham oldi.
Birinchi o‘rin Qirg‘iziston vakili Urmat Sotibaldiyevga nasib etdi. U hakamlar hay’ati va tomoshabinlardan yuqori baholarni olgani uchun 6 000 dollar mukofoti bilan taqdirlandi.
Ikkinchi mukofot uch xil davlatdan kelgan san’atkorlar o‘rtasida bo‘lishdi:
Vitaliy Drob (Belarus)
Kamir Duysheyev (Qirg’iziston)
Kira Gogoladze (Rossiya)
Uchinchi mukofot g‘oliblari esa:
Polina Taseva (Shimoliy Makedoniya)
Eje Ata (Turkiya)
To‘lqin Tojiyev (O‘zbekiston)
Festivalning yakuniy kechasida xalqaro miqyosda tanilgan qozog‘istonlik san’atkor Dimash Kudaybergan ham ishtirok etdi. U festivalning birinchi yili Gran-pri g‘olibi bo‘lgan va bu safar maxsus mehmon sifatida tomoshabinlarga esda qolarli chiqishlari bilan qatnashdi. Xalqaro hakamlar hay’ati ko‘p kunlik baholash jarayonida ishtirokchilarning vokal iste’dodi, sahnadagi ishtiroki va badiiy o‘ziga xosligini e’tiborga oldi.
