Xonanda — Jaloliddin Ahmadaliyev she’rlarni muallif ruxsatisiz ishlatgani uchun javobgarlikka tortildi
Adliya vazirligi tomonidan aniqlanishicha, Shohruh Abduvohidovga tegishli “Yurak”, “Meni deb oqardi sochlaring ona”, “Ko‘zlaringni qizg‘anma mendan” va “Barchasini Xudoga soldim” nomli she’rlar xonanda tomonidan hech qanday ruxsat va shartnoma tuzmasdan ishlatilgan.
Mazkur holat yuzasidan Jaloliddin Ahmadaliyevga nisbatan jarima qo‘llanildi. Jarima miqdori aniq ko‘rsatilmagan bo‘lsa-da, qonunan unga 375 ming so‘mdan 1,9 million so‘mgacha jarima belgilanadi.
