Jennifer Lopez yaqinda sahnada o‘zining jinsiy hayoti haqida bemalol gapirib, Ben Afflek bilan ajrashgani haqida ham yangi qo‘shiqlarida ochiqchasiga so‘z yuritdi. Ammo doimiy ravishda shaxsiy hayotini sir tutishga intiladigan aktyor aslida sobiq rafiqasining bu jasur e’tiroflari haqida nima deb o‘ylaydi?
56 yoshli Lopez, shaxsiy hayoti haqida introspektiv (ichki kechinmalarga asoslangan) qo‘shiqlari bilan tanilgan. U yaqinda ikkita yangi trek taqdim etdi, ikkalasi ham 52 yoshli Afflekga atalgan. Ular 2024-yil avgustida ikkinchi bor urinib ko‘rgan munosabatlari yakunlanganidan keyin bular ochiqchasiga tanqid sifatida qabul qilinmoqda.
Ammo Betman roli bilan tanilgan Ben uning bu “bolalarcha” harakatlariga e’tibor beradiganlardan emas.
“Bu yoki boshqa qo‘shiqlar bilan uni tanqid qilsa nima bo‘pti? Bu bolalarcha va u bunga javob berishni istamaydi,” — dedi Daily Mail’ga ichki manba.
“U bunga e’tibor bermaydi, shuning uchun bunga xafa bo‘lib o‘tirmaydi va javob berib, bunga energiyasini bermoqchi emas.”
Afflek bularni “bolalarcha” deb hisoblasa ham sobiq rafiqasi ajrashuvdan ilhomlanib qo‘shiq yozganidan unchalik hayratlanmagan, deyiladi.
“U Jenniferni yetarlicha yaxshi taniydi. Shuning uchun bu holat bo‘lishini oldindan bilgandi,” — dedi manba.
