Astir animatsiya studiyasi tomonidan O‘zbekiston tarixida ilk bor — buyuk bobolarimiz bolaligini tasvirlaydigan 3D animatsion filmlar turkumi yaratildi! U 10 ta qisqa filmni o‘z ichiga oladi.
— Bu turkum yosh avlodga ajdodlarimizning aqli, topqirligi va ilmga chanqoqligini real voqealar asosida ko‘rsatadi.
— Unda Xorazmiyning qurilishdagi murakkab hisob-kitobni soddalashtirishi, Ibn Sinoning qush va jonivorlarni davolashi, Farg‘oniyning suv o‘lchash asbobini yaratishi kabi voqealar aks etadi.
— Shuningdek, Yusuf Xos Hojibning turkiy adabiyotga qiziqishi, Qoshg‘ariyning lug‘at tuzishga kirishishi, Behzodning naqshlari bilan ustalarni lol qoldirishi ham tasvirlanadi.
— Navoiy kichik yoshida she’rlari bilan Lutfiy e’tiborini tortadi, Ulug‘bekning yulduzlar ilmini o‘rganishi Amir Temurni hayratga soladi.
— Beruniy yerning dumaloqligini taxmin qilgani, Boburning yoshligida mas’uliyatni zimmasiga olishi kabi sahnalar ham turkumdan joy olgan.
16-dekabr kuni O‘zbekiston Milliy kino san’ati saroyida KATTA NAMOYISH bo‘lib o‘tadi.
